ދަރިންތަރުބިއްޔަތު ކުރުމުގެ މައިދާނުގައި ގަދައަޅައި މަސައްކަތްކުރަމުން ދިޔައިރު، އަހަރެންނަށް ވަރަށް އަޖައިބުކުރަނިވި ކަންކަން ފާހަގަކުރެވުނެވެ. އަދި ފައިދާ ހުރި ވަރަށް ގިނަ ތަޖުރިބާތައްވެސް ޙާސިލުކުރެވުނެވެ. އެކަމަކު އަހަރެން އެތަޖުރިބާތަކެއް ނުލިޔަމެވެ. ދުވަސްތައް މާޒީވެ ދިޔަވަރަކަށް، އަހަރެންވި ވަރުބައްޔާއި، ހަމަނިދި ނުލިބި ހޭދަކުރެވުނު ރޭތަކުގެ މަތިންނާއި، ކުރިމަތިލާންޖެހުނު އުނދަގޫތައް މަތިން ހަނދާންނެތުނެވެ. އަދި ﷲގެ ފަޟްލަވަންތަވެރިކަމުން އަހަރެންގެ ދަރިން، ކާމިޔާބު ޒުވާނުންތަކަށް ވެފައިވާ ތަން ފެނުމުން، އަހަރެންގެ އުފާވެރިކަން، އެހިތާމަތަކުގެ މައްޗަށް ކުރި ހޯދިއެވެ.
